By Lou Ellen Antonio
TUBOD, Lanao del Norte (PIA) – Engrandeng fireworks display ug libreng back-to-back concert sa Salbakuta ug Chocolate Factory ang gihanyag atol sa ika-63 nga Araw ng Lanao del Norte.
Gisugdan ang maong selebrasyon sa pagtanom og mga kahoy sa mga opisyal ug empleyado sa probinsya sa Mt. Torong-torong.
“The foundation celebration for lanao del norte always starts with tree planting, especially now with climate change. Kinahanglan na jud mananom. We have to protect our environment,” sumala ni Gov. Imelda Dela Cruz Quibranza.
Samtang, nagpahigayon sab og trade fair kung diin makita ug mapalit ang mga produkto sa Lanao del Norte producers Cooperative ug uban pa nga mga lokal nga negosyante sa probinsya. Ug isip pagpasalamat, duna sab misa nga gitambunggan sa mga empleyado sa probinsya.
Atol sa selebrasyon, gipanawagan usab sa gobyernador ang paghiusa ug pagtinabangay.
“Kami muserbisyo kaninyo ug kami maghinaot na kita magtinabangay. Kung walay pagtinabangay, walay kaayuhan na atong makab-ot,” sumala ni Quibranza.
Bisan og nagpabiling ubos sa Alert Level 2 tungod sa ubos pa sa vaccination coverage, gipaningkamutan nga mahimong makahulugan ug sadya ang selebrasyon. (LELA/PIA-10-Lanao del Norte)
0 Comments